MAÑÁS DE VERÁN

Benqueridas familias:

A Asociación Centro Xuvenil Abeiro presenta a nosa tradicional actividade de Mañás de Verán.

A causa da situación que vivimos, tivemos que adaptar as nosas actividades a esta nova realidade, pero sen perder o noso estilo. Deste modo, e seguindo en todo momento as indicacións das autoridades sanitarias competentes, foi necesario reorganizar o noso habitual esquema para poder ofrecer actividades  con seguridade. As principais novidades son as seguintes:

  • Ofertamos dúas quendas de 10 días cada unha delas.
  • Suprímese, por maior seguridade, o servizo de gardería.
  • Pormoveránse as actividades ao aire libre.
  • Reforzo significativo e limpeza exhaustiva de materiais e instalacións empregados.
  • O pequeno grupo de 10 membros será a base de toda actividade que se organice para evitar contactos masivos.
  • Incorpóranse novos hábitos como a entrada e saída gradual á actividade, medición de temperatura, inclusión do lavado de mans nas actividades, declaración responsable da saúde do participantes, grupos fixos, mampara na secretaria, utilización de xel, máscara e outros elementos sempre que sexa preciso nas actividades.
  • Seguimento diario de asistencia/ausencia coas familias.
  • Formación específica para monitores e dun xeito lúdico para rapaces/zas.
  • A secretaria coa inscrición será online.

DATAS E HORARIOS:

  • 1ª quenda: do 29 de xuño ó 10 de xullo (CANCELADA)
  • 2ª quenda: do 13 de xullo ó 24 de xullo.

Este ano de forma excepcional e por seguridade, non poderemos contar co servizo opcional de gardería de mañá, por iso o horario das actividades será de 9.30h a 13.30h. con apertura de portas pola mañá dende ás 9.00h ata 9.30h, e ao mediodía dende ás 13.30h ata ás 14h, coa fin de facilitar as entradas e saídas escalonadas.

Haberá unha reunión  o MERCORES 8 DE XULLO ás 18h no teatro do colexio , para todos os pais/nais dos rapaces/zas inscritos para informarvos sobre o desenvolvemento, organización e avisos das actividades. Pregamos a asistencia dun membro da familia por rapaz/a. Uso obrigatorio de mascarilla.

 

COTA:

30€ cada quenda.

 

INSCRICIÓNS:

  • Os destinatarios/asdestas actividades poderán ser todos os nenos e nenas nados entre ó 2008 e ó 2013 (que rematasen neste curso 1º EP e 6º EP)
  • As inscricións  realizaranse de forma onlinedende o luns 6 de xuño.  En caso de dúbidas ou dificultade podedes consultar ben por correo electrónico ou por teléfono en horario de 9h á 14h.
  • En caso de baixa do neno/adevolverase o 100% dos cartos soamente se a baixa está cursada antes do 22 de xuño. Despois desta data, para a primeira quenda; se a baixa está cursada antes do 26 de xuño, devolverase o 50% da totalidade polos gastos de xestión. A partir do 29 de xuño non se cursarán baixas. Para a segunda quenda, se a baixa está cursada antes do 6 de xullo, devolverase o 50% da totalidade polos gastos de xestión. A partir do 13 de xullo non se cursarán baixas
  • *O primeiro día de actividade será preciso que traiades asinado omodelo de aceptación de condicións de participación, obrigación de información e consentimento informado, para participar en actividades de ocio educativo xuvenil, que estará dispoñible na web proximamente.

Estaremos a vosa total disposición a través do teléfono 693.846.023. ou do correo electrónico cxabeiro@cxabeiro.org

Contacto

Centro Xuvenil Abeiro
Rúa Don Bosco, 1
15003 A Coruña
Tlf:  693 84 60 23
cxabeiro@cxabeiro.org

En Twitter