Nova Secretaría Técnica da Federación

A Federación de Centros Xuvenís Don Bosco de Galiza ven de renovar as persoas que ostentan os cargos da Federación e gran parte do equipo de a diario, o que chamamos a Secretaría Técnica. Neste momento está formada por: Presidente: Adrián R. Cruz. Secretario: Angel Rozas. Tesoureiro: Javier Pérez Ameneiro. Vocais: Javier Maillo, Farruco, Xabi Blanco, Eduardo Cea e Humpty Xestor: Xurxo

Seguir lendo

INFOABEIRO 09-11-06

Bo día a todas e todos! Estamos nestes intres a pechar a inscrición da acampada de Andaina para esta fin de semana e hai corenta e catro nenos e nenas apuntadas. A pasada semana houbo trinta e cinco nenas e nenos de Tardes Abertas que quedaron a durmir no Albergue. ADS non baixa de corenta rapaces e rapazas nas súas actividades de todos os sábados...Son números moi altos de participantes o que está a implicar un grande esforzo e compromiso por todos vós de non tentar faltar ás actividades das fins de semana. Ánimo na vosa laboura voluntaria e comprometida coa infancia e a mocidade. Hoxe ás 9:30 hai C.P.A. Ás 20:30 xúntase o equipo de solidariedade e a esta mesma hora na sala de corcho hai oración á que estades todos e todas convidadas. Mañá, venres, haberá Formación Permanente para todos e todas as animadoras e animadores. O tema será sobre a campaña de drogas da confederación de centros xuvenís "Infórmate, se vas saír" e que dinamizará Xurxo. O sábado ás 20:30 Collin Brent, o mozo inglés que asiste á nosa Sala Aberta coma colaborador todos os sábados á tarde, dinamizará o momento "Parolando con...", que desta vez será sobre o Reino Unido. Coidamos que pode ser un tempo interesante para coñecer outras realidades e culturas e que terá carácter de permanencia todos os meses. O pasado mes de outubro o Parolando con dinamizouno Nuria e foi sobre Senegal ao que asististes un importante número de animadores e animadoras. O luns 13 dará comezo a campaña da Confederación "Infórmate, se vas saír". Esta virá acompañada nun futuro dunha exposición e dalgunhas actividades entre as que sobrancea a do día 2 de nadal, unha tarde noite lúdico-festiva en Abeiro. O martes 14 xuntarase o Equipo Coordinador do Centro Xuvenil. Saúdos.

INFOABEIRO 26-10-06

Bo día a todos e todas! Esta fin de semana celébrase en Leon (ía ser nun principio en Cambados) o donbosco.com-tigo. Do noso centro Xuvenil van rapaces e rapazas de terceiro e cuarto de E.S.O. acompañados de Xabi e máis María Yáñez Por certo, desde esta mañá tendes nos vosos correos electrónicos a publicidade do Campobosco. Animámosvos a que non deixedes de participar se estades interesados. O Campobosco celébrase a vindeira fin de semana, 3, 4 e 5 do mes de Santos. A fin de semana, polo demais, preséntase coas seguintes actividades: - Dia 27, venres, a partir dos 18:30 e de xeito continuado até pechar a Sala Aberta, obraidoro de cabazas. Estas adobiarán estes días a nosa sala. Tamén, este día, ás 21:30 presentaremos o Campobosco a través dun video. - Dia 28, sábado, Magosto, desde as 20:30. Antes ás 19:30 poremos a película "Michael Collins" dentro do ciclo de cinema de temática irlandesa que coordina Fran Villaamil. Este domingo haberá equipo de traballo de Brincadeira, no que participa Ana Losada e o vindeiro xoves, día 2, ás 10:30 de mañá comeza a súa andaina neste curso o Proxecto Espabila. Por ultimo, lembrarvos varias cousiñas : - Material de refugallo informatico. compré ir levándoo ao Punto Limpo quen poida e teña tempo. - A páxina web témola que fornecer coas aportacións de todos e todas. - Hoxe, hai xoves de Oración ás 20:30 h. moitos saúdos para todos e todas en especial para Lucia Pita, Miguelanxo, Ana Formoso, Emanuela, Totó........

Contacto

Centro Xuvenil Abeiro
Rúa Don Bosco, 1
15003 A Coruña
Tlf:  693 84 60 23
cxabeiro@cxabeiro.org

En Twitter